तिम्रो माया अफिमको नशा चढ्दैछ

डा जयराम सिम्खडा

एकै प्रहर​ तिमीलाइ सामुन्नेमा नदेखेत​

कुन्नी किन पानी बिहिन​ माछो सरि हुन्छु मत​

तिम्रो माया अफिमको नशा चढ्दैछ​

तिम्रो हो कि मेरो भुल, झन्झन् बढ्दैछ ।१।

तिम्रो सासको तातो हावा एक्छिन फेर्न नपाएत​

कसैले घाटि थिची निस्सासिएझैं हुन्छु मत​

दुबो सरी तिम्रो माया  झन्झन् बढ्दैछ​

तिम्रो माया अफिमको नशा चढ्दैछ ।२।

कोकिलझै मधुर बाणी एकछिन सुन्न नपाएत​

तिर्खाएको काकाकुल झै ब्याकुलै पो​ हुन्छु मत​

उमेर सङ्गै तिम्रो प्रीति झन्झन् बढ्दैछ​

तिम्रो माया अफिमको नशा चढ्दैछ  ।३।

अनायसै तिमिलाई केहि होला कि भनी मत​

मुटु भित्र भाला कतै रोपे जस्तो हुन्छु मत​

शुक्लपक्ष्य शशि सरी माया बढ्दैछ तिम्रो माया अफिमको नशा चढ्दैछ ।४।