शुभकामना

–राधिका अर्याल

समुन्द्रबाट हिमाली गित गाउन खोज्ने तिमीलाइ!
ब्रमाण्डको दुवै धारमा धाउन खोज्ने तिमीलाइ!!
मेलोडीमा असारे भाका मिलाउन खोज्ने तिमीलाइ!
सफतला मिलोस भन्ने मेरो शुभकामना तिमीलाइ!!

भाषा धारी बनि अस्तित्व देशको जोगाउने तिमीलाइ!
शब्द शब्दले भाषाको रंगमा गौरव फैलाउने तिमीलाइ!!
कण कणमा साहित्यक थोपा सिचांउन खोज्ने तिमीलाइ!
लक्ष्य पुरा गर्न सक भन्ने मेरो शुभकामना तिमीलाइ!!

दाग नलागोस राजनितीको जे आपत परे नि तिमीलाइ!
लोभ नलागोस पद र पावरको पिल्सिनै परे नि तिमीलाइ!!
सत्य बोल्दा, कुरिती खोल्दा कुनजर नलागोस तिमीलाइ!
ठेस नलागी गन्तव्मा पुग भन्ने मेरो शुभकामना तिमीलीइ!!